Қазақстан тарихы · 5-сынып · 2-тоқсан
Есік обасындағы Алтын адам
Тест тапсыру үшін жүйеге кіру немесе тіркелу керек.
Конспект
Бүгін не үйренеміз?
Сен Есік обасынан табылған Алтын адамның ерекшеліктерін айтып беруді үйренесің.
Түсіндірме
Есік қорымы Жетісуда орналасқан. Ең үлкені – Есік обасы. Оның диаметрі 60 метр, биіктігі 6 метр. Екінші қабірді 1969 жылы К.Ақышев ашты. Ондағы адамның киімі басынан аяғына дейін алтынмен апталған, сондықтан оны Алтын адам деп атайды. Ғалымдардың айтуынша, ол 17–18 жастағы сақ ханзадасы болған. Қабірден жазуы бар күміс тостаған да табылған.
Мысалдар
- Шошақ бөрікке жылқы, барыс, таутеке, құс бейнелі алтын қапсырмалар тағылған.
- Қасынан семсер, ақинақ, жебе, қамшы табылған.
- Тостағандағы жазу 26 әріптен тұрады, ол «Есік жазуы» деп аталады.
Есте сақта!
- Алтын адам Жетісуда, Есік қорымында табылған.
- Елтаңбадағы қанатты пырақтар оның бас киіміндегі бейнеден алынған.
Өзіңді тексер
- Алтын адамды қай жылы кім ашты?
- Күміс тостағандағы жазу неше әріптен тұрады?