3D-модельдердің қолданылуы

Бүгін не үйренеміз?

Сен 2D мен 3D айырмашылығын түсіндіріп, 3D-модельдерді қолдану мысалдарын келтіре аласың.

Түсіндірме

2D — екіөлшемді алаң: оның ұзындығы мен ені бар. 3D — үшөлшемді кеңістік. 2D суретті басқа қырынан көрсету үшін оны қайта салу керек. 3D модельді бұрып, қырынан көруге болады. 3D модель кеңістіктегі нүктелерден және фигуралардан құралады. Күнделікті заттардың бәрі үшөлшемді.

Мысалдар

1. Кинода, мультипликацияда, ойындарда және жарнамалық роликтерде 3D қолданылады.
2. «Ер Төстік және Айдаһар» — 3D-анимациялық мультфильм.
3. 3D-баспа сәулетте, құрылыста, дизайнда, медицинада қолданылады. Археологтар көне заттардың нақты түрін құрастырады.

Есте сақта!

• 3D — тек кинотеатр емес, сәулет пен инженерлікте де қолданылады.
• 3D принтер протездер жасауға көмектеседі.

Өзіңді тексер

1. Екіөлшемді алаңда қандай өлшемдер болады?
2. «Ер Төстік және Айдаһар» қандай мультфильм: 2D-анимациялық па, 3D-анимациялық па?