Авторлық құқық және плагиат

Бүгін не үйренеміз?

Сен авторлық құқық пен плагиаттың не екенін түсіндіруді үйренесің.

Түсіндірме

• Авторлық құқық — автордың өз туындысын қайта шығаруға немесе басқалардың пайдалануына рұқсат беру құқығы.
• Мақалалар, программалар, әндер, фильмдер, көркем туындылар мен фотосуреттер заңмен қорғалады.
• © таңбасы туындының қорғалғанын көрсетеді. Сайтта ескерту болмаса да, туынды қорғалады.
• Біреудің шығармасын өз атыңнан жариялау — плагиат. Плагиат дегеніміз — авторын көрсетпей, оның еңбегін пайдалану.
• Плагиат жасаған адам заң алдында жауап береді.

Мысалдар

1. Досыңның өлеңін өз атыңнан сайтқа жариялау — плагиат.
2. Өлеңді авторын көрсетіп, дәйексөз ретінде келтіру — плагиат емес.
3. Фотосуретті автордың келісімінсіз жарнамада пайдаланып, пайда табуға болмайды.

Есте сақта!

• Автордың келісімінсіз туындыдан пайда табуға болмайды.
• Басқаның еңбегін әрқашан автордың атын көрсетіп қолдан.

Өзіңді тексер

1. Плагиат дегеніміз не?
2. © таңбасы нені білдіреді?