«Келісу, келіспеу» эссесі

Бүгін не үйренеміз?

Сен берілген пікірмен келісу не келіспеу себептерін көрсетіп, эссе жазуды үйренесің.

Түсіндірме

• Алдымен білетініңді есіңе түсіріп, эссені жоспарлайсың.
• Кіріспеде тақырып қазір маңызды ма, соны айтасың. Осы жерде тезис, яғни басты ой беріледі.
• Негізгі бөлімде өз мысалдарың мен талдауыңа сүйенесің.
• Қорытындыда мәселе бойынша ойыңды жинақтайсың.
• Эссе тақырыптан ауытқымауға тиіс.

Мысалдар

1. Тақырып «Астана – болашақтың қаласы». Тезис: «Иә, Астана – мәдениет пен инновация орталығы».
2. Негізгі бөлімге «Астана Опера» театрын мысал етуге болады.
3. Қорытынды: «Осыған байланысты Астана – болашақтың қаласы деген пікірмен келісемін».

Есте сақта!

• Тезис пен қорытынды бір-біріне сәйкес болады.
• Әр пікірді мысалмен дәлелде.

Өзіңді тексер

1. Кіріспеде қандай сұраққа жауап беріледі?
2. Негізгі бөлімде нені негіздейміз?
3. Тезис пен қорытынды қандай болуы керек?