Қазақ тілі · 5-сынып · 3-тоқсан
Қарапайым жоспар құру
Тест тапсыру үшін жүйеге кіру немесе тіркелу керек.
Конспект
Бүгін не үйренеміз?
Мәтінге кіріспе, негізгі және қорытынды бөлімдері бар қарапайым жоспар құруды үйренесің.
Түсіндірме
Оқиғалы мәтінде оқиғаның басталуын, дамуын және шешімін белгілейміз. Жоспардың бөлімдері:
- кіріспе – оқиға қалай басталады;
- негізгі бөлім – не болады;
- қорытынды – оқиға немен аяқталады. Соңында мәтіннің негізгі ойын айтамыз.
Мысалдар
«Ағаштар неге ашуланды?» мәтінінің жоспары:
- Кіріспе – мектепте ағаш отырғызу апталығы басталады. Алмабек жолдастарымен ағаш отырғызады.
- Негізгі бөлім – ағаштары күтімсіз жүдейді. Қарт Емен ағаштың пайдасын түсіндіреді.
- Қорытынды – Алмабек кешірім сұрап, ағаштарды күтеді. Ағаштар жанданады.
Есте сақта!
- Жоспар кіріспеден, негізгі бөлімнен және қорытындыдан тұрады.
- Негізгі ой: ағашты отырғызу ғана емес, күту де маңызды.
Өзіңді тексер
- Жоспардың қандай үш бөлімі бар?
- «Ағаштар неге ашуланды?» мәтінінің негізгі ойы қандай?