Дүниежүзі тарихы · 6-сынып · 1-тоқсан
Феодалдық шаруашылық
Тест тапсыру үшін жүйеге кіру немесе тіркелу керек.
Конспект
Бүгін не үйренеміз?
Сен феодалдық шаруашылықтың ерекшеліктерін және шаруалардың міндеткерліктерін түсіндіре аласың.
Түсіндірме
- Феодал өз жерінде шаруашылық ұйымдастырды. Жер екі бөліктен тұрды: феодалдың жері – домен және шаруалардың үлестік жерлері.
- Шаруашылық натуралды болды. Қажетті азық-түлік пен бұйымның бәрін поместьенің өзінде өндірді. Өнім сатуға емес, өз қажетіне жасалды, сондықтан мұндай шаруашылықты томаға-тұйық деп атады. Тек тұз бен темірді айырбастады.
- Шаруа жер үшін міндеткерлік өтеді. Барщина – феодал жерінде тегін жұмыс істеу. Оброк – заттай, кейін ақшалай алым-салық. Сондай-ақ көпір салу, жол жөндеу, жүк тасу сияқты қоғамдық жұмыстар болды.
- Сауда дамығанда ақшалай салық заттай салықтың орнын басты. Шаруалар еркіндігін ақшаға сатып алып, қалаға кете алды.
Мысалдар
- Шаруа жүннен жіп иіріп, мата тоқып, киім тікті.
- Шаруа феодал жерінде тегін жұмыс істесе, бұл – барщина.
- Шаруа астық берудің орнына ақша төлесе, бұл – ақшалай салыққа көшу.
Есте сақта!
- Натуралды шаруашылықта өнім өз қажетіне жасалады.
- Барщина – еңбекпен, оброк – азық-түлікпен немесе ақшамен өтеу.
Өзіңді тексер
- Феодалдық вотчинадағы жер қандай екі бөліктен тұрды?
- Барщина мен оброктың айырмашылығы неде?