Жаратылыстану · 6-сынып · 2-тоқсан
Қазақстанның пайдалы қазбалары
Тест тапсыру үшін жүйеге кіру немесе тіркелу керек.
Конспект
Бүгін не үйренеміз?
Сен Қазақстандағы пайдалы қазбалардың орындарын және қолданылуын айтып беруді үйренесің.
Түсіндірме
Пайдалы қазбалар – шаруашылықта пайдаланылатын жер қойнауындағы минералдық түзілімдер. Пайдалы қазбалар табиғи түрде шоғырланған жер кен орны деп аталады. Қазақстан пайдалы қазбалар қоры бойынша дүниежүзінде алтыншы орында.
- Солтүстік Қазақстан: темір, алтын.
- Батыс Қазақстан: мұнай мен газ.
- Орталық Қазақстан: көмір, басты база – Қарағанды көмір бассейні.
- Оңтүстік Қазақстан: уран, фосфор.
Мысалдар
- Көмір, мұнай, газ – негізгі отын.
- Мұнайдан пластмасса мен дәрі алады.
- Құм, әктас, гранит, мәрмәр құрылыста қолданылады.
- Газ кен орындары: Қарашығанақ, Жаңажол, Қызылой.
Есте сақта!
- Мұнайды ұңғыма арқылы, көмірді шахтада өндіреді.
- Кен орны мен пайдалы қазба – бөлек ұғымдар.
- Мұнай мен газға Батыс Қазақстан бай.
Өзіңді тексер
- Пайдалы қазба деген не?
- Қазақстанның негізгі көмір базасы қандай?
- Құрылыста қолданылатын екі пайдалы қазбаны ата.