Қазақ тілі · 5-сынып · 3-тоқсан
Зат есімнің түрлері мен жалғаулары
Тест тапсыру үшін жүйеге кіру немесе тіркелу керек.
Конспект
Бүгін не үйренеміз?
Сен зат есімнің мағыналық түрлерін ажыратып, оған жалғаулар жалғауды үйренесің.
Түсіндірме
Зат есім жалпы және жалқы болады. Жалпы: ағаш, бала. Жалқы: Асқар, Теміртау. Зат есім деректі де, дерексіз де болады. Деректі заттар көзге көрінеді: доп, мысық. Дерексіз ұғымдар көрінбейді: достық, арман, тілек. Жалғау тәртібі: көптік, тәуелдік, септік, жіктік.
Мысалдар
- Көптік жалғау: қалалар, ғалымдар, шөптер.
- Тәуелдік жалғау: дәптерім, дәптерің, дәптері.
- Шана сөзін септейміз: шананың, шанаға, шананы, шанада, шанадан, шанамен.
Есте сақта!
- Септік жалғауы жеті.
- Сан есімнен кейін көптік жалғау жалғанбайды: 5 кітап.
Өзіңді тексер
- Деректі және дерексіз зат есімнің айырмасы қандай?
- «5 кітаптар» деп жазу дұрыс па? Неге?