Оқылым стратегиялары

Бүгін не үйренеміз?

Сен мәтінді оқудың үш тәсілін – комментарий жасауды, іріктеп оқуды, рөлге бөліп оқуды үйренесің.

Түсіндірме

Оқылым стратегиясы – мәтінді тиімді оқу тәсілі.

1. Комментарий жасау. Мәтін бөліктерін белгімен бағалайсың: «+» – білгеніме сәйкес, «–» – қайшы келеді, «?» – түсініксіз. Содан кейін қысқа пікір жазасың: «Мен мұны ... деп ойлаймын, себебі ...».
2. Іріктеп оқу. Керек сөздерді, сандарды, атауларды тез табасың.
3. Рөлге бөліп оқу. Диалогты рөлге бөліп оқисың, мысалы, ата мен бала болып.

Мысалдар

1. «Ас – адамның арқауы» деген сөзді білемін, сондықтан оның жанына «+» қоямын.
2. «Құйма құлақ» дегеннің мәнін білгім келеді, сондықтан «?» қоямын.
3. «Тұма» диалогын ата мен бала болып рөлге бөліп оқуға болады.

Есте сақта!

• Ақпаратты тез табу үшін іріктеп оқы.
• Пікір білдіру үшін комментарий жаса.
• Диалогты рөлге бөліп оқы.

Өзіңді тексер

1. «?» белгісі нені білдіреді?
2. Іріктеп оқу қай кезде тиімді?