Аралас сан

Бүгін не үйренеміз?

Сен аралас санның не екенін, оның бөліктерін атауды, оқуды және жазуды үйренесің.

Түсіндірме

7 алманы 3 балаға тең бөлейік. Әр бала 2 алма алады, қалған 1 алма үш бөлікке бөлінеді. Сонда әр балаға 2 бүтін және 1/3 алма тиеді. Мұны 2 1/3 деп жазады, қосу таңбасы қойылмайды. Бүтін бөлік пен бөлшек бөліктен тұратын санды аралас сан дейді. 2 1/3 санында 2 — бүтін бөлігі, 1/3 — бөлшек бөлігі. Оқығанда алдымен бүтін бөлікті, сосын бөлшек бөлікті айтасың.

Мысалдар

1. 7 + 2/5 = 7 2/5, оқылуы: «жеті бүтін бестен екі».
2. 14 3/8 — «он төрт бүтін сегізден үш».
3. «Алты бүтін бестен төрт» санын 6 4/5 деп жазамыз.

Есте сақта!

• Аралас сан бүтін бөліктен және бөлшек бөліктен тұрады.
• Бұрыс бөлшек пен аралас сан — бір санның екі жазылуы: 7/3 = 2 1/3.

Өзіңді тексер

1. 6 4/5 санының бүтін бөлігі мен бөлшек бөлігін ата.
2. «Он бүтін сегізден бес» санын цифрмен жаз.